🌻 ‎چلتی بس ٹرین و جہاز میں نماز پڑھنے کا حکم ‏🌻

🌻 چلتی بس ٹرین و جہاز میں نماز پڑھنے کا حکم 🌻

*_________________(🖊)_______________*

*🌹 ســــوال نــمــبــــــر  ( 497 )🌹*

*السلام علیکم ورحمۃ ﷲ وبرکاتہ*  

*سوال:* بعد سلام کے عرض ہیکہ بس میں یا ٹرین میں یا جہاز میں نماز پڑھنے کا کیا حکم ہے یعنی نماز پڑھے تو کس طرح اور نا پڑھے تو کیوں ۔جواب سے نوازیں اور شکریہ کا موقع عطا فرمائیں، فقط و سلام ۔

*🌹الــمــســـتــفــتــی🌹* محمد ساحل ... *رامپور🔷*

*◆ـــــــــــــــــــــ✅🔷✅ــــــــــــــــــــــ◆*

*وعلیکم السلام ورحمة ﷲ وبركاته*

*الجوابـــــــــــــــــــــ ... !!! بعون الملک الوھاب*  

اسی طرح کے ایک سوال کے جواب میں 

💫 *سیدی اعلی حضرت حضرت عظیم البرکت مجدد دین و ملت الشاہ امام احمد رضا خان فاضل بریلوی رحمة اللہ تعالی علیہ فرماتے ہیں* ” فرض اور واجب جیسے وتر و نذر اور ملحق بہ،  یعنی سنت فجر چلتی ریل میں نہیں ہو سکتے، ، اگر ریل نہ ٹھہرے اور وقت نکلتا دیکھے  پڑھ لے پھر بعد استقرار اعادہ  کرے تحقیق یہ ہے کہ استقرار بالکلیہ و لو بالوساٸط زمین یا تابع زمین پر(کہ زمین سے متصل باتصال قرار ہو)  ان نمازوں میں  شرط صحت ہے  مگر بہ تعذر، ولھذا دابہ پر  بلا عذر جائز نہیں اگرچہ کھڑا ہو، کہ دابہ تابع زمین نہیں لہٰذا گاڑی پر جس کا جوا بیلوں پر رکھا ہے اور گاڑی ٹھہری ہوئی ہے جائز نہیں کہ بالکلیہ زمین پر استقرار نہ ہوا ،ایک حصہ غیر تابع  زمین پر ہے، 

👈🏻 *لہٰذا* چلتی کشتی سے اگر  زمین پر اترنا متیسر ہو ،کشتی میں پڑھنا جائز نہیں بلکہ عند التحقیق اگرچہ کشتی کنارے پر ٹھہری ہو مگر پانی پر ہو زمین تک نہ پہنچی ہو اور یہ کنارے پر اتر سکتا ہے کشتی میں نماز نہ ہوگی، کہ اس کا استقرار پانی پر ہے اور پانی زمین سے متصل باتصال  قرار نہیں، جب استقرار کی حالتوں میں نمازیں جائز نہیں ہوتیں جب تک استقرار زمین پر اور وہ بھی بالکلیہ  نہ ہو  تو چلنے کی حالت میں کیسے جائز ہو سکتی ہیں؟ کہ نفس استقرار ہی نہیں ، بخلاف کشتی رواں جس سے نزول متیسر نہ ہو کہ اسے اگر روکیں گے بھی تو استقرار پانی پر ہوگا نہ کہ زمین پر، لہذا سیر و وقوف برابر ،لیکن ریل اگر روک لی جائے تو زمین ہی پر ٹھہرے گی اور مثل تخت ہو جاۓ گی ، انگریزوں کے کھانے وغیرہ کے لیے روکی جاتی ہے اور نماز کے لیے نہیں تو منع من جھة العباد ، اور  ایسے منع کی حالت میں  حکم وھی ہے کہ نماز پڑھ لے اور بعد زوال مانع اعادہ  کرے“ 

📚 *( فتاوی رضویہ ج ٤ ص ٥٨٨ )*

⬅️ *لہٰذا*  چلتی بس میں اور اڑتے ہوئے پلین میں بھی ” استقرار بالکلیہ زمین یا تابع زمین پر جو کہ نمازوں کے لۓ شرط صحت ہے، نہیں پایا گیا“ جیساکہ اعلی حضرت کی عبارت سے ظاہر ہے، لہٰذا ان پر بھی چلنے اور اڑنے کی صور ت میں  نماز نہیں ہوگی 

       *❣️واللّٰہ تعالیٰ اعلم بالصواب❣️* 

*_________________(🖊)________________*

*✒کتبــــــــــــــــــــــہ*👇

*حضرت علامہ و مولانا مفتی محمد ساجد چشتی صاحب قبلہ، خادم مدرسہ دارارقم محمدیہ میر گنج بریلی شریف*

*رابـــطـــہ نـــــمــــبــــــر*⬇️⬇️⬇️

*https://wa.me/+919794266139*

*︗︗︗︗︗︗︗︗︗︗︗︗︗︗︗*

         🌻 _*اســــمٰـــعـــــیـــلـــی گـــروپ*_ 🌻

*︘︘︘︘︘︘︘︘︘︘︘︘︘︘︘*

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

۞۩۞۩۞۩۞۩۞۩۞۩۞۩۞۩۞۩۞۩

🌹 *29 جمادی الأول 1442ھ بروز جمعرات* 

 *عیسوی جنوری.( 14/1/2021 )*🌹.