🌻 کیا مفتی فتوے کی اجرت لے سکتاہے؟🌻

🌻 کیا مفتی فتوے کی اجرت لے سکتاہے؟🌻

*_________________(🖊)________________*

*🌹 ســــوال نــمــبــــــر  ( 567 )🌹*

*السلام علیکم ورحمۃﷲ وبرکاتہ* 

*سوال:* کیا فرماتے ہیں علمائے کرام اس مسئلہ میں کہ اگر کوئی شخص کسی مفتی سے فتوی طلب کیا لیکن وہ عالم دین نے کہا اتنا رقم دے دو میں فتوی لکھ کر دیتا ہوں تو اس عالم دین پر شریعت کا کیا حکم ہوگا مہربانی کر کے جواب عطا فرمائیں بہت شکر گزار رہوں گا ؟

*🔍الـمـسـتفتی؛ محمد رضوان القادری"سمرباری دودہی کشی نگر (اتر پردیس)🔎*

    *◆ـــــــــــــــــــــ✅🔷✅ــــــــــــــــــــــ◆*

*🔅وعلیکم السلام ورحمة ﷲ وبركاته🔅*

*الجوابـــــــــــــــــــــ ... !!! بعون الملک الوھاب* 

⬅️ *مفتی* کو نفس فتویٰ کی قیمت لینا بالکل جائز نہیں ہاں تحریری شکل کی قیمت لے سکتاہے یعنی اس مسٸلے کو لکھنے میں جو قلم کی روشنائی و کاغذ و وقت کی معاوضہ لینے کی اجازت ہے مگر یہ بھی نہ لے کہ بہتر نہیں اسی طرح تقریری جواب دینے کی صورت میں قیمت نہیں لےسکتا مفتی یہ دینی امور خالص اللہ و رسول کی رضا کے لیے کرے لالچ سے اپنے آپ کو بالکل پاک رکھے اللہ تعالیٰ دین و دنیا دونوں میں بھلائی یاں عطا فرماۓ گا

👈🏻 *حدیث شریف* میں ہے ....*"عن ابن عباس رضي الله عنهما قال تدارس العلم ساعة من الليل خير من إحيائها (اے بالعبادة)"* حضرت ابن عباس رضی اللہ تعالی عنہ سے روایت ہے کہتے ہیں کہ رات میں ایک ساعت علم دین کا سیکھنا یا سکھانا یہ رات بھر کی عبادت سے افضل ہے

📚 *( مشکوة المصابیح ، کتاب العلم ، ص ٣٦، مجلس برکات )*

اور وہ لوگ جن کا مقصد دین کا حاصل کرنا دنیا کمانا ہے ان کے لیے سخت وعیدیں وارد ہوئی ہے ، حدیث شریف میں ہے ۔۔۔۔ *"عن أبي هريرة -رضي الله عنه- أن النبي -صلى الله عليه وسلم- قال: مَنْ تعلَّم علْمًا ممَّا يُبْتَغى به وَجْهُ الله -عز وجل لا يَتَعلَّمُه إلا لِيُصِيبَ به عَرَضًا من الدنيا، لمْ يَجِدْ عَرْفَ الجنة يومَ القيامة"* حضرت ابوھریرہ رضی اللہ عنہ کہتے ہیں کہ نبی کریم ﷺ نے فرمایا:جس نے ایسا علم صرف دنیاوی مقصد کے لیے سیکھا، جس سے اللہ تعالیٰ کی خوش نودی حاصل کی جاتی ہے، تو وہ قیامت کے دن جنت کی خوش تک نہیں پائے گا  

📚 *( سنن ابی داٶد ، کتاب العلم ، ص٥١٥، زکریابک ڈپودیوبند )*

💫 *حضور صدرالشریعہ علیہ الرحمہ تحریر فرماتے ہیں ۔۔۔* مفتی فتوی لکھنے کی یعنی تحریر و کتابت کی اجرت لے سکتاہے نفس فتوی کی اجرت نہیں لے سکتا اس کا مطلب یہ ہے کہ کاغذ پر اتنی عبارت کسی دوسرے سے لکھواؤ تو جو کچھ اس کی اجرت عرفادی جاتی ہے وہ مفتی بھی لے سکتا ہے کیونکہ مفتی کے ذمہ زبانی جواب دینا واجب ہے لکھ کر دینا واجب نہیں مگر اجرت تحریر لینے سے بھی اگر مفتی پرہیز کرے تو یہی بہتر کہ خواہ مخواہ لوگوں کو چہ میگوئی کرنے کا موقع ملے گا لو گ یہ کہیں گے کہ فتوے کی اجرت لی اور فلاں شخص روپیہ لے کر فتوے دیتا ہے وغیرہ وغیرہ اس سے نظر عوام میں فتوے کی بے وقعتی ہوتی ہے اور مفتی کی بھی بے عزتی ہے اور علماء کو خصوصیت کے ساتھ ایسی باتوں سے احتراز کرنا چاہیے خصوصاً اس زمانہ میں کہ جاہل مولویوں نے اس قسم کے رکیک گھٹیا افعال کر کے علماء کو بدنام کر رکھا ہے ان کے افعال کو علماء کے افعال قرار دیکر طبقہ علماء کو بدنام کیا جاتا ہے

📚 *( بہارشریعت ، حصہ ١٤ ، ص١٨٠، مکتبہ مدینہ دھلی )*

        *❣️واللّٰہ تعالیٰ اعلم بالصواب❣️* 

*_________________(🖊)________________*

*✒کتبــــــــــــــــــــــہ*👇

*حضرت قاری و مولانا عبیداللہ حنفی رضوی بریلوی صاحب قبلہ خادم التدریس  مدرسہ دارارقم محمدیہ میرگنج ضلع*

*( بریلی شریف یوپی )*

*رابـــطـــہ نـــــمــــبــــــر*⬇️⬇️⬇️

*https://wa.me/+919568246389*

~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

🌹 *١٨ ربیع النور ٣٤٤١؁ ھ بروز پیر* 

 *عیسوی اکتوبر.( 25/10/2021 )*🌹.