🌻 باپ نے اپنی لڑکی کو چھوا تو بیوی نکاح میں رہے گی؟🌻

🌻 باپ نے اپنی لڑکی کو چھوا تو بیوی نکاح میں رہے گی؟🌻

*_________________(🖊)________________*

*🌹 ســــوال نــمــبــــــر  ( 564 )🌹*

*السلام علیکم ورحمۃﷲ وبرکاتہ* 

*سوال:* بعد سلام کے عرض۔ 

کیا فرماتے علماء کرام اس مسئلہ میں۔ زید اپنے کمرے میں گیا۔ اس کے بستر پر اس کی بیٹی لیتی تھی۔ وہ اس کو اپنی بی بی سمجھ کر اس کو چھو نے لگا۔ پر اس کو احساس ہوا یہ تو میری بیٹی ہے وہ رو رو کر توبہ کرنے لگا مجھ سے بہت بڑی غلطی ہوئی ہے الله معاف کردے 

اب اس کے بارے میں کیا حکم ہے شریعت کا۔ جواب عنایت فرمائیں مہربانی ہوگی 

*🔍الـمـسـتفتی؛ عبد القیوم" میوات ہریانہ🔎*

    *◆ـــــــــــــــــــــ✅🔷✅ــــــــــــــــــــــ◆*

*🔅وعلیکم السلام ورحمة ﷲ وبركاته🔅*

*الجوابـــــــــــــــــــــ ... !!! بعون الملک الوھاب* 

⬅️ *حرمت مصاہرت* حرمت ثابت ہو جاتی ہے۔ خواہ وطی حلال ہو یا شبہہ و زنا  و اپنی زوجہ سے، حیض و نفاس  میں  یا احرام و روزہ میں  غرض کسی طور پر وطی ہو، حرمت مصاہرت ثابت ہوگئی لہٰذا جس  عورت سے زنا کیا، اس کی  ماں  اور لڑکیاں  اس پر حرام ہیں- ( عالمگیری، ردالمحتار )

👈🏻 *حرمت مصاہرت جس طرح وطی* سے ہوتی ہے، یوہیں  بشہوت   چھونے اور بوسہ لینے اور فرج داخل کی  طرف نظر کرنے اور گلے لگانے اور دانت سے کاٹنے اور مباشرت، یہاں  تک کہ سر پر جو بال ہوں انھیں چھونے سے بھی حرمت ہو جاتی ہے اگرچہ کوئی کپڑا بھی حائل ہو مگر جب اتنا موٹا کپڑا حائل ہو کہ گرمی محسوس نہ ہو۔ یوہیں  بوسہ لینے میں  بھی اگر باریک نقاب حائل ہو تو حرمت ثابت ہو جائے گی۔ خواہ یہ باتیں  جائز طور پر ہوں  ، یا  ناجائز طور پہ ( عالمگیری، ردالمحتار وغیرہ )

⬅️ *فرجِ داخل کی  طرف نظر کرنے کی صورت میں* اگر شیشہ درمیان میں  ہو یا عورت پانی میں  تھی اس کی  نظر وہاں تک پہنچی جب بھی حرمت ثابت ہوگئی، البتہ آئینہ یا پانی میں  عکس دکھائی دیا تو حرمت مصاہرت نہیں - ( درمختار، عالمگیری ) چھونے اور نظر کے وقت شہوت نہ تھی بعد کو پیدا ہوئی یعنی جب ہاتھ لگایا اُس وقت نہ تھی*، ہاتھ جدا کرنے کے بعد ہوئی تو اس سے حرمت نہیں  ثابت ہوتی۔ اس مقام پر شہوت کے معنی یہ ہیں  کہ اس کی  وجہ سے انتشار آلہ ہو جائے اور اگر پہلے سے انتشار موجود تھا تو اب زیادہ ہو جائے یہ جوان کے لیے ہے۔ بوڑھے اور عورت کے لیے شہوت کی  حد یہ ہے کہ دل میں  حرکت پیدا ہو اور پہلے سے ہو تو زیادہ ہو جائے، محض میلان نفس کا نام شہوت نہیں- ( درمختارب ) نظر اور چھونے میں  حرمت جب ثابت ہوگی کہ انزال نہ ہو اور انزال ہوگیا تو حرمت مصاہرت نہ   ہوگی- ( درمختار )

👈🏻 *عورت* نے شہوت کے ساتھ مرد  کو چھوا یا بوسہ لیا یا اس کے آلہ کی  طرف نظر کی  تو اس سے بھی حرمت مصاہرت ثابت ہوگئی۔ ( درمختار، عالمگیری ) حرمت مصاہرت کے لیے شرط یہ ہے کہ عورت مشتہاۃ ہو یعنی نو برس سے کم عمر کی نہ ہو، نیز یہ کہ زندہ  ہو اگر نو برس سے کم عمر کی لڑکی کو بشہوت چھوا یا  بوسہ لیا  تو حرمت ثابت  نہ ہوئی- ( درمختار ) وطی سے مصاہرت میں  یہ شرط ہے کہ آگے کے مقام میں  ہو، اگر  پیچھے میں ہوئی  مصاہرت نہ- ( الدرالمختار ‘‘ ،کتاب النکاح، درمختار )

 ⬅️ *یہ افعال* قصداً  ہوں  یا بھول کر یا غلطی سے یا مجبوراً بہرحال مصاہرت ثابت ہو جائے گی، مثلاً اندھیری رات میں  مرد نے اپنی عورت کو جماع کے لیے اٹھانا چاہا، غلطی سے شہوت کے ساتھ مشتہاۃ لڑکی  پر ہاتھ پڑ گیا، اس کی  ماں  ہمیشہ کے لیے اُس پر حرام ہوگئی۔ یوہیں  اگر عورت نے شوہر کو اٹھانا چاہا اور شہوت کے ساتھ ہاتھ لڑکے پر پڑ گیا، جو مراہق تھا ہمیشہ کو اپنے اس شوہر پر حرام ہوگئی- ( درمختار ) مونھ کا بوسہ لیا تو مطلقاً حرمت مصاہرت ثابت ہو جائے گی اگرچہ کہتا ہو کہ شہوت سے نہ تھا۔ یوہیں اگر انتشار آلہ تھا تو مطلقاً کسی جگہ کا بوسہ لیا حرمت ہو جائے گی اور اگر انتشار نہ تھا اور رخسار یا ٹھوڑی یا پیشانی یا مونھ کے علاوہ کسی اور جگہ کا بوسہ لیا اور کہتا ہے کہ شہوت نہ تھی تو اس کا قول مان لیا جائے گا۔ یوہیں انتشار کی حالت میں  گلے لگانا بھی حرمت ثابت کرتا ہے اگرچہ شہوت کا انکار کرے۔ ( ردالمحتار ) چٹکی  لینے دانت کاٹنے کا بھی یہی حکم ہے کہ شہوت سے ہوں  تو حرمت ثابت ہو جائے گی- عورت کی  شرمگاہ کو چھوا یا پستان کو اور کہتا ہے کہ شہوت نہ تھی تو اس کا قول معتبر نہیں- ( عالمگیری، درمختار )

👈🏻 *نظر* سے حرمت ثابت ہونے کے لیے نظر کرنے والے میں  شہوت پائی جانا ضرور ہے، اور بوسہ لینے، گلے لگانے، چھونے وغیرہ میں  ان دونوں  میں  سے ایک کو شہوت ہوجانا کافی ہے اگرچہ دوسرے کو نہ ہو- ( درمختار، ردالمحتار ) مجنون اور نشہ والے سے یہ افعال ہوئے یا ان کے ساتھ کیے گئے، جب بھی وہی حکم ہے کہ اور شرطیں  پائی جائیں  تو حرمت ہو جائے گی۔ ( درمختار ) کسی سے پوچھا گیا تو نے اپنی ساس کے ساتھ کیا کیا اس نے کہا، جماع کیا۔ حرمت مصاہرت ثابت ہوگئی، اب اگر کہے میں  نے جھوٹ کہہ دیا تھا نہیں  مانا جائے گا بلکہ اگرچہ مزاق میں  کہہ دیا ہو جب بھی یہی حکم ہے۔ ( عالمگیری وغیرہ ) حرمت مصاہرت مثلاً شہوت سے بوسہ لینے یا چھونے یا نظر کرنے کا اقرار کیا، تو حرمت ثابت ہوگئی اور اگر یہ کہے کہ اس عورت کے ساتھ نکاح سے پہلے اس کی ماں سے جماع کیا تھا جب بھی یہی حکم رہے گا۔ مگر عورت کا مہر اس سے باطل نہ ہوگا وہ بدستور واجب۔

 📚 *( ردالمحتار،ماخذ بہار شریعت )*

        *❣️واللّٰہ تعالیٰ اعلم بالصواب❣️* 

*_________________(🖊)________________*

*✒کتبــــــــــــــــــــــہ*👇

*خلیفہ شیخ الاسلام عـــبـــد الــوهــاب رضـــوی اشـــرفـــی ۔۔*

*( گـــجـــرات )*

_*رابـــطـــہ نـــــمــــبــــــر*_⬇️⬇️⬇️

*https://wa.me/+918460716640*

~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

🌹 *١٥ ربیع النور ٣٤٤١؁ ھ بروز جمعہ* 

 *عیسوی اکتوبر.( 22/10/2021 )*🌹.