🌻 ‎جو عالم کھلم کھلا برائی کرے اس کی برائی بیان کرنا کیسا ہے؟🌻

🌻 جو عالم کھلم کھلا برائی کرے اس کی برائی بیان کرنا کیسا ہے؟🌻

*_________________(🖊)________________*

*🌹 ســــوال نــمــبــــــر  ( 555 )🌹*

*السلام علیکم ورحمۃﷲ وبرکاتہ*  

*سوال:* کیا فرماتے ہیں علمائے کرام اس مسئلہ میں کی علماء کی برائی کرنا حدیث شریف میں منع ہے لیکن جو عالم کھلم کھلا کوئی برائی کرے جیسے گالی دینا،ہمیشہ غصہ میں رہنا، بے مطلب کے کسی کو مار دینا یا فلم دیکھنا، اپنی تعریف کرانے کے لئے دوسرے عالم کو براکہتا ہے تو اس کی برائی کا بیان کرنا کیسا ہے

*🔍الـمـسـتفتی؛ محمد رضوان القادری" سمرباری دودہی کشی نگر (اتر پردیس)*🔎

    *◆ـــــــــــــــــــــ✅🔷✅ــــــــــــــــــــــ◆*

*🔅وعلیکم السلام ورحمة ﷲ وبركاته🔅*

*الجوابـــــــــــــــــــــ ... !!! بعون الملک الوھاب*  

 یہ طے ہے کہ جو حقیقی عالم دین ہوگا وہ متقی پرہیز گار ہوگامنیہات شرعیہ سے بچتا ہوگا اس کے دل میں پروردگار عالم وحدہ لاشریک کا خوف ہوگا

💫 *حضرت فقیہ ملت مفتی جلال الدین احمد امجدی صاحب علیہ الرحمہ* تحریر فرماتے ہیں کہ، جو مولانا ہوگا اللّٰہ سے ڈرے گا فرضی وصیت نامہ بنا کر دوسرے کی جائیداد لینے کی کوشش نہیں کرے گا کہ اللّٰہ تعالیٰ نے ارشاد فرمایا *"انما یخشی اللّٰہ من عبادہ العلمآء"*

📓 *( پارہ 22 رکوع 16 )* 

یعنی اللّٰہ سے اس بندوں میں وہی ڈرتے ہیں جو علم والے ہیں حضرت علامہ امام فخرالدین رازی رحمۃ اللّٰہ تعالیٰ علیہ اس آیت کریمہ کی تفسیر میں لکھتے ہیں *"دلت ھذہ الآیۃ علی ان العالم یکون صاحب الخشیۃ"*

📚 *( تفسیر کبیر جلد ہفتم صفحہ 460 )* 

ترجمہ اس آیت کریمہ سے ثابت ہوا کہ خشیت اور خوف الٰہی عالموں کا خاصہ ہے، اور حضرت ملا علی قاری رحمۃ اللّٰہ تعالیٰ علیہ تحریر فرماتے ہیں *"حاصلہ ان العالم یورث الخشیۃ وھی تنتج التقویٰ وھو موجب الاکرمیۃ والافضلیۃ وفیہ اشارۃ الی ان من لم یکن علمہ کذالک فھو کالجاھل بل ھو الجاھل"*

📚 *( مرقاۃ شرح مشکوٰۃ جلد اوّل صفحہ 231 )* 

ترجمہ یعنی آیت مبارکہ کا خلاصہ یہ ہے کہ علم خشیت الٰہی پیدا کرتا ہے جس سے تقوی حاصل ہوتا ہے اور وہی عالم کی اکرمیت وافضلیت کا سبب ہے اور آیت میں اس بات کی طرف اشارہ ہے کہ جس شخص کا علم ایسا نہ ہو وہ جاہل کے مثل ہے

*بلکہ-------------------!!!*

وہ جاہل ہے اور حضرت امام شعبی رضی اللّٰہ تعالیٰ عنہ نے فرمایا *انماالعالم من خشی اللّٰہ عزوجل"* 

📚 *( تفسیر خازن ومعالم التنزیل جلد پنجم صفحہ 302 )*

یعنی عالم صرف وہی ہے جسے خدائے تعالیٰ کا خوف اور اس کی خشیت حاصل ہو، اور امام ربیع بن انس علیہ الرحمۃ والرضوان نے فرمایا *"من لم یخشی اللّٰہ فلیس بعالم"*

📚 *( تفسیر خازن جلد پنجم صفحہ 302 )* 

یعنی جسے اللہ کا خوف اور اس کی خشیت حاصل نہ ہو وہ عالم نہیں

📚 *( فتاویٰ برکاتیہ صفحہ 497/498مطبوعہ کتب خانہ امجدیہ دہلی )* 

اب رہا یہ کہ عالم مذکور جوکہ کھلم کھلا برائی کرتا ہے تو اس کی برائی بیان کرنا کیسا؟ تو اس بابت حدیث پاک ملاحظہ کریں *"عن بھز بن حکیم عن ابیہ عن جدہ قال قال رسول اللّٰہ صلی اللّٰہ تعالیٰ علیہ وسلم اترغبون عن ذکر الفاجر متی یعرفہ الناس اذکروا الفاجر بما فیہ یحذرالناس"*

📚 *( سنن بیہقی ج 10 ص 354 )*

ترجمہ حضرت بہز بن حکیم رضی اللّٰہ تعالیٰ عنہ اپنے باپ سے روایت کرتے ہیں کہ وہ اپنے دادا سے کہ حضور ﷺ نے فرمایا کہ تم لوگ فاجر کو برا کہنے سے پرہیز کرتے ہو آخر اسے لوگ کیوں کر پہچانیں گےفاجر کی برائیاں بیان کرو تاکہ لوگ اس سے بچیں

📚 *( انوارالحدیث صفحہ 318مطبوعہ مکتبہ فقیہ ملت دہلی )* 

حضرت علامہ امام محی الدین ابی زکریا بن شرف نووی رحمۃ اللّٰہ تعالیٰ علیہ تحریر فرماتے ہیں *"ان یکون مجاھرا بفسقہ او بدعتہ کالمجاھر بشرب الخمر ومصادرۃ الناس واخذ المکس وجبایۃ الاموال ظلما وتولی الامور الباطلۃ فیجوز ذکرہ"* ترجمہ سرعام فسق وبدعت کا اظہار کرتا ہو جیسا کہ شراب پینا لوگوں پر ظلم کرنا تاوان لینا یا ظلما مال لینا اور دیگر باطل کام کرتا ہو تو اس کے علانیہ گناہوں کا ذکر جائز ہے

📚 *( ریاض الصالحین مترجم جلد دوم کتاب الامور المنھی عنھا صفحہ 282 ناشرادبی دنیا دہلی )* 

✨ *حضرت صدر الشریعہ علامہ مفتی محمد امجد علی اعظمی رضوی صاحب علیہ الرحمہ* درمختار کے حوالے سے تحریر فرماتے ہیں کہ، جوشخص علانیہ برا کام کرتا ہے اور اس کو اس کی کوئی پرواہ نہیں کہ لوگ اسے کیا کہیں گے اس کی اس بری حرکت کا بیان کرنا غیبت نہیں مگر اس کی دوسری باتیں جوظاہر نہیں ہیں ان کو ذکر کرنا غیبت میں داخل ہے حدیث میں ہے کہ، جس نے حیا کا حجاب اپنے چہرے سے ہٹا دیا اس کی غیبت نہیں( یعنی وہ برائیاں جوکہ وہ علانیہ کرتا ہے اس کو لوگوں سے بیان کرنا غیبت میں داخل نہیں ) 

📚 *( بہار شریعت جلد سوم حصہ شانزدہم صفحہ 151مطبوعہ فاروقیہ بک ڈپو دہلی )* 

اس تفصیل سے بخوبی واضح ہوگیا کہ عالم دین وہ ہےکہ جس کے دل میں اللّٰہ تبارک وتعالیٰ جل شانہ کا خوف ہو اور یہ حقیقت ہے کہ جس کے دل میں پروردگار عالم وحدہ لاشریک کا خوف ہوگا وہ کھلم کھلا تو کیا پس پردہ بھی  برائیوں کا مرتکب نہ ہوگا

*بلکہ-------------------!!!*

مقدور بھر گناہوں سے گناہوں کے کام سے  بچے گا، اورجوکھلم کھلا برائیوں میں مبتلا ہے اس کی ان برائیوں کا لوگوں سے ذکر کرنا جائز ہے

*تاکہ--------------------!!!*

لوگ اس سے بچیں

        *❣️واللّٰہ تعالیٰ اعلم بالصواب❣️* 

*_________________(🖊)________________*

*✒کتبــــــــــــــــــــــہ*👇

*حـــضـــرت علامہ مـــولانــا ابـــوالاحـــســـان مـــحـــمـــد مـــشـــتــاق احـــمـــد قــادری رضـــوی صـــاحـــب قـــبـــلــہ مـــدظـــلــہ الـــعــالــی والـــنـــورانـــی*

_*( مـــہــاراشــٹــر )*_ 

_*رابـــطـــہ نـــــمــــبــــــر*_⬇️⬇️⬇️

*https://wa.me/+919838501782* 

✅✅ *الجواب صحیح والمجیب نجیح حضرت علامہ مفتی محمد جابر القادری رضوی صاحب قبلہ، جمشید پور*

~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

🌹 *٢٧ صفر المظفر ٣٤٤١؁ ھ بروز منگل* 

 *عیسوی اکتوبر.( 5/10/2021 )*🌹.