🌻 صاحب ترتیب شخص کا قضا چھوڑ کر وقتی نماز پڑھنا کیسا ہے؟ اور قضا نماز عصر کے بعد پڑھنا کیسا ہے؟🌻

🌻 صاحب ترتیب شخص کا قضا چھوڑ کر وقتی نماز پڑھنا کیسا ہے؟ اور قضا نماز عصر کے بعد پڑھنا کیسا ہے؟🌻

*---------------(🖊)---------------*

*🌹 ســــوال نــمــبــــــر  ( 654 )🌹*

*السلام علیکم ورحمۃﷲ وبرکاتہ* 

*سوال:* علماء کرام  مسئلہ ذیل کے بارے میں کیا فرماتے ہیں  ایک شخص ہے جس کی چار نمازیں قضاء ہوئی تھیں      لیکن اس شخص  کو صرف تین ہی نماز یاد تھی جب اس نے تین نمازیں پڑھ لیں تو اسے یاد آیا کہ اس کی چار نماز یں قضا تھی ( مثلاً مغرب عشاء فجر اور ظہر )   اس نے عشاء فجر اور ظہر پڑھنے کے بعد وقتی نماز ادا کرلی یعنی عصر کی نماز اس کے بعد میں یاد آیا کہ اس کی نماز مغرب بھی قضا تھی تو کیا عصر کی نماز ہو گئی یا نہیں؟ اور نماز عصر کے بعد بچی ہوئی قضا نماز مغرب کی پڑھ سکتا ہے یا نہیں، جواب عنایت فرمائیں مہربانی ہوگی؟  

 *🔍الـمـسـتفتی؛ محمد اکرام المصطفی" نیپال🔎*

    *◆ـــــــــــــــــــــ✅🔷✅ــــــــــــــــــــــ◆*

*🔅وعلیکم السلام ورحمة ﷲ وبركاته🔅*

*الجوابـــــــــــــــــ ... !!! بعون الملک الوھاب*

⬅️ *وقتی* یعنی عصر کی نماز صحیح ہو جائے گی اور عصر کے بعد غروب آفتاب سے پہلے قضا نماز بھی پڑھ سکتے ہیں۔ مسئلہ یہ ہے کہ صاحب ترتیب کی (یعنی جس شخص کی عمر میں پانچ یا اس سے کم وقت کی نمازیں قضا ہوں) تو اس کے لئے ترتیب سے پڑھنا واجب ہے اور اگر قضا نماز یاد ہوتے ہوے وقتی نماز پڑھی تو وقتی نماز نہ ہوگی پہلے قضا پڑھیں پھر وقتی نماز اور اگر شروع نماز سے ختم نماز تک یاد نہ رہا بلکہ نماز پڑھ لینے کے بعد یاد آیا تو وقتی نماز ہو جاے گی۔

💫 *امام برہان الدین مرغینانی (متوفیٰ 593ھ)* فرماتے ہیں اگر اس کی چند نمازیں قضا ہوئی ہیں تو ان کی قضا میں وہی ترتیب رکھے جس طرح وہ اصل میں واجب ہوئیں تھیں کیونکہ نبی کریم ﷺ جب یوم خندق نمازوں سے مصروف کئے گئے تو حضور ﷺ نے ترتیب سے قضا کیا پھر فرمایا تم اسی طرح نماز پڑھو جس طرح مجھے نماز پڑھتے دیکھو لیکن جب یہ فوائت (چھوٹی ہوئی نماز)  زیادہ ہو کر چھ ہو گئیں تو یہ کثرت فوائت ہو گئی پس ان کے درمیان ترتیب ساقط (ختم) ہو گئی۔ 

📚 *( ہدایہ جلد اول صفحہ 242 )*

جس نے عصر کی نماز پڑھی حالانکہ اس کو یاد ہے کہ اس نے ظہر کی نماز نہیں پڑھی تو یہ عصر فاسد ہو گئی مگر جب اس کا آخری وقت ہو جاۓ‌۔ 

📚 *( ہدایہ جلد اول صفحہ 244 )*

فتاویٰ ہندیہ میں کافی کے حوالے سے ہے کہ: چند نمازوں میں ترتیب واجب ہے، اگر فجر کی نماز پڑھی اور اس کو یاد تھا کہ وتر نہیں پڑھی ہیں تو امام اعظم ابوحنیفہ کے نزدیک وہ نماز فاسد ہوگی۔ 

📚 *( فتاویٰ عالمگیری جلد اول صفحہ 353 )*

✨ *مفتی امجد علی اعظمی علیہ الرحمہ فرماتے ہیں کہ:* قضا نماز یاد نہ رہی اور وقتیہ پڑھ لی پڑھنے کے بعد یاد آئی تو وقتیہ (نماز) ہو گئی، اور پڑھنے میں یاد آئی تو گئی۔ 

📚 *( بہار شریعت حصہ 4 صفحہ 705/ مکتبۃ المدینہ دعوت اسلامی )*

امام ابو جعفر طحاوی حنفی (متوفی 321ھ) روایت نقل کرتے ہیں: *"اَبُوْ عَوَانَهٗ عَنْ قَتَّادَۃَ عَنْ اَنَسَ رَضِیَ اللّٰهُ عَنْهُ عَنِ الْنَّبِیِّ صَلَّی اللّٰهُ عَلَیْهِ وَسَلَّمَ قَالَ: (مَنْ نَسِیَ صَلَاۃً فَلْیُصَلِّھَا أِذَا ذَکَرَھَا"* ترجمہ: حضرت ابوعوانہ نے قتادہ سے انہوں نے انس سے اور انہوں نے حضور نبی کریم ﷺ سے روایت نقل کی ہے جو شخص کوئی نماز بھول جاۓ وہ یاد آنے پر پڑھ لے۔ مزید ہے کہ بھولی (یا چھوٹی) ہوئی نماز کو جب یاد آۓ اسی وقت اوقات مکروہہ (طلوع و غروب و زوال) کو چھوڑ کر ادا کرے۔  

📚 *( معانی الآثار جلد دوم صفحہ 202/ تا 204 )*

👈🏻 *صورت مسئولہ* میں اس کی نماز عصر صحیح ہو گئی اور عصر کی نماز کے بعد مغرب کی قضا بھی درست ہے، کراہت تب ہے جب غروب آفتاب کا وقت شروع ہو جاے۔

        *❣️واللّٰہ تعالیٰ اعلم بالصواب❣️* 

*---------------(🖊)---------------*

*✒کتبــــــــــــــــــــــہ*👇

*محمد شبیر احمد حنفی صاحب قبلہ، سمستی پور بہار*

_*رابـــطـــہ نـــــمــــبــــــر*_⬇️⬇️⬇️

*https://wa.me/+917352818007*

✅✅ *الجواب صحیح والمجیب نجیح مفتی جابر القادری صاحب قبلہ*

~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

*🌹 ١٣_ رَجب المرجب ؁١٤٤٤ھ بروز اتوار*

 *عیسوی فروری/5/2/2023 )*🌹