🌻 ہند نام رکھنا کیسا ہے اور ہند کس کا نام تھا؟🌻

🌻 ہند نام رکھنا کیسا ہے اور ہند کس کا نام تھا؟🌻

*---------------(🖊)---------------*

*🌹 ســــوال نــمــبــــــر  ( 659 )🌹*

*السلام علیکم ورحمۃﷲ وبرکاتہ* 

*سوال:* کیا فرماتے ہیں علماۓ کرام و مفتیان عظام کہ ہند نام رکھنا کیسا ہے؟ 

آیا یہ کہ کیا یہ نام آدم علیہ السلام کے بیٹوں میں سے کسی ایک کا نام تھا؟ 

برائے کرم اصلاح فرماے۔ 

 *🔍الـمـسـتفتی؛ محمد شعیب" ممبئی🔎*

    *◆ـــــــــــــــــــــ✅🔷✅ــــــــــــــــــــــ◆*

*🔅وعلیکم السلام ورحمة ﷲ وبركاته🔅*

*الجوابـــــــــــــــــ ... !!! بعون الملک الوھاب*

⬅️ *ہند* نام رکھنا جائز ہے کیونکہ اس نام کو رکھنے کے متعلق کہیں کتابوں میں کوئی ممانعت مذکور نہیں اور ہند نام حضرت آدم علیہ السلام کے بیٹوں میں سے کسی کا نام نہیں تھا بلکہ یہ نام ایک صحابی رسول ﷺ کا ہے یونہی کئی شخص ہیں جن کا نام ہند تھا صحابہ میں۔ اور اس سے بڑی بات نام کے جواز کی اور کیا ہو سکتی ہے کہ یہ نام ایک صحابی کا ہے اگر غلط ہوتا تو حضور ﷺ اس نام کو بدل دیتے۔ 

✨ *امام ابن جریر طبری شافعی (متوفیٰ 310ھ)* حضرت آدم علیہ السلام کے بیٹوں کے پندرہ نام ذکر کئے ہیں اور وہ یہ ہیں 

👈🏻 *(١)* قین (قابیل) (٢) ہابیل (٣) حضرت شیث علیہ السلام (٤) اباد (۵) بالغ (٦) اثاثی (٧) توبہ (٨) بنان (٩) شبوبہ (١٠) حیان (١١) ضرابیس (١٢) ہذر (١٣) یحود (١٤) سندل (١۵) بارق۔ 

📚 *( تاریخ طبری جلد اول صفحہ 101 )* 

💫 *امام ابونعیم اصبَہانی شافعی (متوفیٰ 430ھ)* روایت نقل کرتے ہیں کہ: حضرت ابوھریرہ رضی اللہ عنہ فرماتے ہیں کہ میں نے حضرت اسماء اور حضرت ہند رضی اللہ عنہ کو حضور اکرم ﷺ کے خدمت گزاروں میں دیکھا ہے یہ اکثر دروازے پہ حاضر رہتے اور حضور ﷺ کی خدمت میں مصروف رہتے بعض متاخرین نے کہا کہ یہ اہل صفہ ہی میں تھے۔

📚 *( حلیة الاولیاء جلد اول صفحہ 610 )*

✨ *امام عزالدین ابن اثیر (متوفیٰ 630ھ)* لکھتے ہیں: ہند بن حارثہ بن ہند۔ جناب ہند سے ان کے بیٹے حبیب نے روایت کی کہ وہ آٹھ بھائی تھے اور سب نے اسلام قبول کر لیا اور حضور اکرم ﷺ کی صحبت سے فیض یاب ہوتے رہے چنانچہ بیعت رضوان کے موقع پر یہ سب بھائی موجود تھے۔ حضرت ہند آٹھ بھائیوں میں سے دو بھائی ہند اور اسماء عرصے تک حضور نبی کریم ﷺ کی خدمت سے بہرہ ور ہوتے رہے دونوں بھائی اصحاب صفہ میں شامل تھے، حضرت ابوھریرہ رضی اللہ عنہ سے مروی ہے کہ وہ ایک لمبے عرصے تک ان بھائیوں کو حضور ﷺ کی خدمت گزاری میں مصروف دیکھتے رہے، یہ ہند، ہند بن ہند کے والد ہیں۔ 

📚 *( اسد الغابہ جلد 3 حصہ 9 صفحہ 355 )*

👈🏻 *صورت مسئولہ* میں ہند نام رکھنا بلا کراہت جائز و درست ہے شرعاً کوئی حرج نہیں۔

        *❣️واللّٰہ تعالیٰ اعلم بالصواب❣️* 

*---------------(🖊)---------------*

*✒کتبــــــــــــــــــــــہ*👇

*محمد شبیر احمد حنفی صاحب قبلہ، سمستی پور بہار*

_*رابـــطـــہ نـــــمــــبــــــر*_⬇️⬇️⬇️

*https://wa.me/+917352818007*

~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

*https://wa.me/+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

*🌹 ١٩_ رَجب المرجب ؁١٤٤٤ھ بروز ہفتہ*

 *عیسوی فروری/11/2/2023 )*🌹