🌻 کیا قبر میں حضور اقدس ﷺ تشریف لائیں گے؟🌻
*---------------(🖊)---------------*
*🌹 ســــوال نــمــبــــــر ( 680 )🌹*
*السلام علیکم ورحمۃﷲ وبرکاتہ*
*سوال:* کیا فرماتے ہیں علمائے کرام مسئلہ ذیل کے بارے میں کہ کیا حضور صلی اللہ علیہ و سلم ہر شخص کے قبر میں آئینگے
زید کا کہنا ہے کہ اس میں اختلاف ہے
پورا مدلل جواب عنایت فرما کر شکریہ کا موقع دیں
*🔍الـمـسـتفتی؛ محمد نواز شریف قادری" جھارکھنڈ🔎*
*◆ـــــــــــــــــــــ✅🔷✅ــــــــــــــــــــــ◆*
*🔅وعلیکم السلام ورحمة ﷲ وبركاته🔅*
*الجوابـــــــــــــــــ ... !!! بعون الملک الوھاب*
⬅️ *قبر* میں حضور اکرم نور مجسم ﷺ بٰنفس نفیس خود تشریف لاتے ہیں یا سرکار ﷺ کا جلواہ دیکھایا جاتا ہے اس کا صراحتا تذکرہ نہیں ملتا البتہ فقہاٸے کرام کے چند اقوال ملتے ہیں جسکی تفصیل
💫 *شارح بخاری فقیہ اعظم ہند سرکار مفتی محمد شریف الحق امجدی علیہ الرحمہ* فتاوی شارح بخاری میں تحریر فرماتے ہیں کہ ،، احادیث میں صرف اتنا ہی ہے کہ ، نکیریں یہ سوال کرینگے *"ما تقول فی هذا الرجل“* ظاہر ہے کہ یہ سوال حُضور اقدس ﷺ کے بارے میں ہے، اور حُضور اقدس ﷺ کی ذات مشخص ،معین ہوکر مردے کو معلوم ہوگی، حدیث میں نہیں ہے کہ یہ تشخص و تعین کس طرح ہوگا، نہ اس حدیث میں ہے اور نہ کسی اور حدیث میں ہے ،اور جہاں تک میری معلومات کا تعلق ہے صحابہ کرام و تابعین عظام سے اس بارے میں کچھ منقول نہیں ،
مگر یہ سوال بہت اہم ہے اس لئے شارحین حدیث نے اسکی تین توجیہیں بیان کی ہیں،
ایک تو یہ کہ قبر سے گنبد خضرا تک سارے حجابات اٹھا دیے جائینگے ،اور مردہ جمال جہاں آراہ سے مشرف ہوگا،
اب نکیرین حُضور اقدس ﷺ کی طرف اشارہ کرکے پوچھینگے،
دوسری توجیہ یہ بیان کی کہ حُضور اقدس ﷺ کی شبیہ نکیرین کے پاس ہوگی ،اسکی طرف اشارہ کرکے پوچھیں گے ،
تیسری توجیہ یہ کہ حضور ﷺ خود تشریف لاتے ہیں ،مگر ان تینوں میں سے کوئی قطعی نہیں کہ ان میں سے کسی کا انکار کرنے والا کافر و مرتد گمراہ ہو،
📚 *( فتاویٰ شارح بُخاری کتاب العقائد جلد ۱ صفحہ ۴۰۶ )*
اور ملفوظات اعلیٰ حضرت میں ہے کہ ، نکیرین سوال کرتے ہیں *"ما کنت تقول فی ھذا الرجل"* ان کے بارے میں کیا کہتا ہے؟
اب نہ معلوم کہ سرکار خود تشریف لاتے ہیں، یا روضہٗ مقدسہ سے پردہ اٹھا دیا جاتا ہے ،
شریعت نے کچھ تفصیل نہ بتائی،،،
📚 *( ملفوظات اعلیٰ حضرت حصہ ۴ صفحہ ۵۲۶ )*
👈🏻 *الحاصل* مردہ مٶمن ہو یا کافر، سوالات قبر ہرایک کے ساتھ خاص البتہ جو مٶمن ہونگے ان کیلٸے جوابات و حضور ﷺ کی دیدار سے فرحت و شادمانی و نفع ہے
لیکن کافر ہر سوال کے جواب پر کہےگا *ہاہا لا ادری* اور اس کیلٸے کوٸی فاٸدہ نہیں ہے
اور رحمتِ خدا پر امید ہیکہ جو مومن حضور ﷺ پر کثرت سے درود پڑھتا ہے ، اس کے قبر میں بذات خود حضور تشریف فرما ہوکر دیدار کا شرف بخشے““
*❣️واللّٰہ تعالیٰ اعلم بالصواب❣️*
*---------------(🖊)---------------*
*✒کتبــــــــــــــــــــــہ*👇
*محمد فردوس رضا مصطفائی صاحب قبلہ، بہار*
_*رابـــطـــہ نـــــمــــبــــــر*_⬇️⬇️⬇️
*https://wa.me/+919470256468*
✅✅ *الجواب صحیح والمجیب نجیح مفتی جابر القادری صاحب قبلہ*
~︗︗︗︗︗︗︗︗︗︗︗︗︗︗︗~
🌻 _*اســــمٰـــعـــــیـــلـــی گـــروپ*_ 🌻
~︘︘︘︘︘︘︘︘︘︘︘︘︘︘︘~
*الـــمــشـــتــہـر*
*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*
*(مــحـــمــود پــور لــوہــتـــہ بـنارس)*
*شــامـــل ہـــونـــے کـــے لـیئـــے رابـطــہ کـــریـں*
*رابـطـــہ نـمـبـــــر*⬇️⬇️⬇️
*https://wa.me/+917668717186*
*۞۩۞۩۞۩۞۩۞۩۞۩۞۩۞۩۞۩۞۩*
*🌹 ١٤_ رمضان المبارک ١٤٤٤ھ بروز جمعرات*
تبصرے
ایک تبصرہ شائع کریں