🌻 کیا مرنے کے بعد ارواح آپس میں ایک دوسرے سے ملتے ہیں؟🌻

🌻 کیا مرنے کے بعد ارواح آپس میں ایک دوسرے سے ملتے ہیں؟🌻

*---------------(🖊)---------------*

*🌹 ســــوال نــمــبــــــر  ( 732 )🌹*

*اَلسَّلَامُ عَلَيْكُمْ وَرَحْمَةُ اللّٰـهِ وَبَرَكاتُهُ‎* 

*سوال:* کیا فرماتے ہیں علمائے کرام اس مسلے کے بارے میں 

کہ کیا مرنے کے بعد انسان اپنے فوت شدہ رشتہ داروں سے ملتا ہے ایسا لوگ کہتے ہیں کیا یہ درست ہے یا نہیں؟

 *🔍الـمـسـتفتی؛ محمد ابوسعد اشرفی" گھوسی شریف یوپی🔎*

    *◆ـــــــــــــــــــــ✅🔷✅ــــــــــــــــــــــ◆*

*🔅وَعَلَيْكُمُ السَّلَامْ وَرَحْمَةُ اللهِ وَبَرَكاتُهُ‎🔅*

*الجوابـــــــــــــــــ ... !!! بعون الملک الوھاب*

⬅️ *جی* ہاں مرنے کے بعد نیک لوگوں کی روحیں ایک دوسرے سے ملتے ہیں 

💫 *امام جلال الدین سیوطی شافعی رحمۃ اللہ علیہ* (متوفیٰ 911ھ) لکھتے ہیں: حضرت سیدنا ابوایوب انصاری رضی اللہ عنہ روایت ہے کہ نبی کریم ﷺ نے فرمایا جب مومن کی روح قبض کی جاتی ہے تو اللہ کے مہربان بندے اسے ایسے ملتے ہیں جیسے دنیا میں کسی خوشخبری دینے والے سے ملتے ہیں، حضور نبی کریم ﷺ نے فرمایا مومنین کی روحیں ایک دن کی مسافت سے ایک دوسرے سے ملتی ہیں حالانکہ دنیا میں انہوں نے ایک دوسرے کو کبھی نہیں دیکھا ہوتا۔ 

✨ *سیدنا حضرت ابوہریرہ رضی اللہ عنہ* سے مرفوعاً حدیث مروی ہے: جب مومن کی روح آسمان پر لے جائی جاتی ہے تو ارواح مومنین اس کے پاس جمع ہو کر اپنے جاننے والوں کے بارے میں اس سے پوچھتی ہیں، جب وہ کہتی ہے میں فلاں کو دنیا میں (اچھے حال میں) چھوڑ آئی ہیں۔ تو وہ خوش ہوتی ہیں اور جب وہ کہتی ہے فلاں کا انتقال تو ہو چکا ہے تو ارواح کہتی ہیں اسے ہمارے پاس نہیں لایا گیا۔ 

💫 *سیدنا حسن بصری رحمتہ اللہ علیہ* سے مروی ہے کہ نبی کریم ﷺ نے ارشاد فرمایا جب بندہ مرتا ہے تو اس کی روح سے مومنین کی روحیں ملاقات کرتی ہیں اور پوچھتی ہیں فلاں فلاں نے کیا کیا؟ جب وہ کہتی ہے کہ وہ تو مجھ سے پہلے مر گیا تھا تو روحیں کہتی ہیں اسے نیچا دکھانے والی گود (جہنم) میں لے جایا گیا۔ 

✨ *سیدنا ثابت بن بنانی* فرماتے ہیں کہ ہمیں یہ بات پہنچی کہ جب آدمی مرتا ہے تو اس کے فوت شدہ رشتہ دار اس کا استقبال کرتے ہیں اور وہ لوگ آپس میں مل کر خوش ہوتے ہیں۔ 

💫 *سیدنا حضرت صالح مری رحمۃ اللہ علیہ* فرماتے ہیں کہ مجھے یہ بات معلوم ہوئی کہ موت کے وقت روحوں کی ملاقات ہوتی ہے۔ 

اور وہ نئی ارواح ان سے دوسروں کے بارے میں پوچھتی ہیں۔ 

📚 *( شرح الصدور مترجم صفحہ ۱۸١ تا ١۸٤ )* 

✨ *امام جلال الدین سیوطی لکھتے ہیں:* مردے اپنی قبروں میں باہمی زیارت و ملاقات کرتے رہتے ہیں۔ حضرت قیس بن قبیصہ سے مروی ہے رسول اللہ ﷺ نے فرمایا جن کا خاتمہ ایمان پہ نہیں ہوتا انہیں بولنے اور بات چیت کرنے کی اجازت نہیں ہوتی تو صحابہ نے پوچھا یا رسول اللہ کیا مردے بھی بولتے ہیں؟ آپ ﷺ نے فرمایا ہاں کیوں نہیں بلکہ وہ تو ایک دوسرے سے ملاقات بھی کرتے ہیں۔ 

ابن قیم کہتے ہیں کہ روحیں دو طرح کی ہوتی ہیں، ایک  انعام یافتہ، دوسرا عذاب یافتہ، تو عذاب میں گرفتار روح کا یہ حال ہوتا ہے کہ وہ ایک دوسرے کی زیارت و ملاقات سے محروم رہتی ہیں

👈🏻 *اور* ناز و نعم والی روح نہ صرف آزادانہ ایک دوسرے سے ملتی اور زیارت کرتی ہیں بلکہ اپنے دنیاوی تعلقات کے اعتبار سے باہمی ذکر و مذاکرہ بھی کرتی ہے اور اہل دنیا کو یاد بھی کرتی رہتی ہیں،  لہذا ہر روح اپنے اس ساتھی کے ساتھ ہوتی ہے جو اس کے عمل کے مطابق ہو۔ 

📚 *( موت کیا ہے، للسیوطی صفحہ 63 تا 66 )* 

        *❣️واللّٰہ تعالیٰ اعلم بالصواب❣️* 

*---------------(🖊)---------------*

*✒کتبــــــــــــــــــــــہ*👇

 *محمد شبیر احمد حنفی صاحب قبلہ، سمستی پور بہار*

_*رابـــطـــہ نـــــمــــبــــــر*_⬇️⬇️⬇️

*+917352818007*~︗︗︗︗︗︗︗︗︗︗︗︗︗︗︗~

         🌻 _*اســــمٰـــعـــــیـــلـــی گـــروپ*_ 🌻

~︘︘︘︘︘︘︘︘︘︘︘︘︘︘︘~

*الـــمــشـــتــہـر*

*بانـی اســـمٰــعــیـلی گــروپ مـــقـــیـم احـــمـــد اســـمٰــعــیـلی*

 *(مــحـــمــود پــور لــوہــتـــہ بـنارس)*

*شــامـــل ہـــونـــے کـــے لـیئـــے رابـطــہ کـــریـں*

*رابـطـــہ نـمـبـــــر*⬇️⬇️⬇️

📱 *+917668717186* 

*۞۩۞۩۞۩۞۩۞۩۞۩۞۩۞۩۞۩۞۩*

*🌹 ۵ رمضان المبارک ؁١٤٤۵ھ بروز ہفتہ*

 *عیسوی. مارچ 16/3/2024 )*🌹